ممنوع الدخــــولــــــ...سعود الـــدماســـي

الركن الهادي و الضماير هديه=ولحد يلوم الي يحب الهداوه
لاصار راحه لنفوس الشقيه=اشري هدوي عن كثير الشقاوه

ابلشوني عباد الله وانا ماتحمل= ولارضيت الغليبه والغلط والخطيه
صابرن والصبر شوكة نحر لو يجمل= حسنته كنها فالصدر عشرين سيه

اسمعي ياغاليه لا تزعلين= ماورا زعل الحبايب فايده
اتفقنا كلبونا من سنين=مانجي وسط الدروب البايده

يالنابغه وشفيك يوم انت نقاد=وتحذف بيوتٍ ماتهزهز عمدها
من باب حق القرب يانسل الاجواد=تستاذن الي كلمته ماجحدها

ياسعود ماقصدي حزازات واحقاد =قصدي اداو العين من ما رمدها
البيت مايقف على غير الاعماد=ومثلك ينقدها قبل من نقدها

قالو علامك قلت ضايق ومحتار=خلوني لحالي بهمي وضيقي
لحد ن يكلمني ولايقول وش صار= مدري وش الي صار باخر طريقي
صحيح مال الوقت والوقت دوار=واخر خويٍ لي يهاجم فريقي
لكن انا ماني بخايب وبوار= بسج عن دربه لعله يفيقي

في منتدى الشغار بدع التماثيل=وانا على بدع التماثيل مبطيت
جيت وبدعت القاف عند المشاكيل= وجريت بعلى الصوت قافي وغنيت

الله اكبر ياهل البيت الموالي=كيف تخفون المولع عن عشيقه
اتركوه وخبرو زين الدلالي=عنه ماعودة خطوه لو دقيقه
سقت رجلي للمخاطر لجل لغالي=مرخصٍ روحي وفي حبه غريقه
ماتحمل يوم جور الهجر طالي=والهجر قلب الهواوي مايطيقه
يكفي لعيني تشوفك ياحلالي=شوفتك تفرج عن الزعلان ضيقه
يوم عيني تذكر الي قد مضالي=يوم انا وياك في احسن طريقه
يوم كنا فالهوى مضرب مثالي=بالوفا والحب وعهودٍ وثيقه
المحبه لو بها مرٍ وحالي=مالقاه المهتوي حطه بريقه
والهوى وان حصل بقلبي مجالي=قام يجذبني وبسلوكٍ رقيقه

ياطير يلي تمر عصير=سلم على دار جداني
منزالهم دون ضلع النير=مابين ساجر وجمراني
وان جيت في دارهم ياطير=دور على سيد خلاني
وده سلامي وقل بالخير= بالخير يانور الاعياني
يلي عن الناس عندي غير=طاريك دايم على لساني
حبك شرف مايجي تزوير= ولاخالف الدين وايماني
حبك مع الدم قام يسير=مابين قلبي وشرياني
وان قاله الله لجيك مغير=ان قدر الله واحياني
وياطير قله عساك بخير= ويحماك خلاق الانساني

الزمان يدور والدنيا تدور= والليالي دايره مثل الرحا
والـ بنادم عايشن مابه شــعور= بس يدري بالعشيه والضحا
والحقيقه واضحه والحق نور=ولا يشوف النور رجلٍ ماصحا
تالي الايام صرنا في حدور= وشانت الاوضاع وافرح ياجحا
اليهودي قام يسبح فالبحور= وطب في داخل بحرنا ماستحا
والعرب تعمل على بندر الاجور= والشوارب شبكوها فاللحا
والمصيبه مالقو كرت العبور= والسلامه في كتابن ممحاا

سم حالي منك يالغرو المدلع =مثل سم الداب في يمنى قريصه
والله اني ودي اقبلك مشلع= ميرنفسي يالغضي مهي رخيصه
اشهدن الحب في قلب المولع= مايرده هيبة النفس الحريصه
لابدا جمره بوسط الروح ولع= وفار دم الحب واصبح في خبيصه