قصيده عبدالرحمن العطاوي

اليكم قصيده شاعر هوازن الشاعر الكبير والعلم عبد الرحمن العطاوى وهذ القصيده مهداه الى اخيه الشاعر الكبير المعروف لدى الجميع وهو حمد الاسعدي واليكم القصيده تعبر عن غياب ابو ماجد فى رحلته العلاجيه الى المانياء
ارجو ان تنال اعجاب الجميع

(وعنوانها يـآدآر هتلـر)

يـآدآر هتلر في ربوعك هل الكار == تلطفي يالمآنيا بالميامين

الشيخ ابو ماجد بعد جاك زوار == حطيه في عينك وهو قبلة العين

الله يرده من ربوعك على الدار == اقولها واقول ياربي امين

الاسعدي هو ملتقى كل الاخيار == ياما تداول عنده البن بالصين

قولوا له الناقه ترا مالها حوار == ناقة دغيلب ايه حايل لها الحين

لاجيتها زرها واخذ عندها اخبار ==وابن خناصر هي تعرفه براهين


وهذا رد الشاعر الكبير / حمد الضحيان الاسعدي (ابو ماجد) على شاعر هوازن


صوتن هتفلي من بعديات الاقطار == فيه الوفا بين شداد ومظامين

من يم ابو نواف هتان مدرار == يحيي دهر دارٍ سناوي من سنين

عضيدي اللي ماتغير ولا بار == رفقة شرف ترجح بكل الموازين

شاعر هوازن وقفته طيب واصرار ==وقفة حميا مابها ايسار ويمين

ترفعله البيضاء على راس سنجار ==هاك العديم اللي ثبتله عناوين

والناقه الحايل لها سيف واشعار == عزوة بني عمي قبل وقعة حنين

مشكور اخي فارس على هذ الجديد لفطاحله الشعار شاعر هوازن وشاعر الشعار وصح لسان الجميع ويعطيك الف عافيه على هذ الجديد
وتقبل مرورى بود

يــعــطــ الــعــافـــيه ـــيـــك